നീ പോയ്ക്കഴിഞ്ഞുള്ള രാത്രിമുതല്‍ എന്റെ നീറും മനസ്സിന്‍റെയുള്‍ത്തടത്തില്‍ പെയ്ത നോവിന്‍റെ മാരിയിന്നോളവും ഓമലേ തോരാതെയിറ്റുവീഴുന്നുവെന്നും .. നീയെന്‍റെ മാറില്‍ മയങ്ങാത്തരാവുതൊ - ട്ടിന്നോളവും ഞാനേകനായി . നിന്‍റെ നിശ്വാസം പതിക്കാത്തചുണ്ടുകള്‍ ദാഹാര്‍ദ്രമായ് വരണ്ടുണങ്ങി . നീ പോയ്ക്കഴിഞ്ഞുള്ള രാത്രിമുതല്‍ ഞാനുണരുന്നതേതോ ശൂന്യതയില്‍ മിടിപ്പുകളില്‍ നോവതേല്‍ക്കുന്ന നെഞ്ചില്‍ പടര്‍ന്ന വ്യഥകള്‍ത്തന്‍ തണുപ്പില്‍ നീയെന്‍റെ മടിയില്‍ തലചായ്ച്ചിടാതുള്ള രാവുതൊട്ടിന്നോളമെന്‍ ജീവനേ , നിന്നോടുകൂടെ പടിയിറങ്ങിപ്പോയ ഹേമന്തമിനിയും വരില്ലയത്രേ . നീ പോയ്കഴിഞ്ഞുള്ള രാത്രിമുതല്‍ എന്റെ നോവില്‍ മയങ്ങുന്ന സ്വപ്നങ്ങില്‍ ഓര്‍മ്മതല്‍ ബാല്യത്തിലെന്‍ കൈവിരല്‍കോര്‍ത്ത് നീ പുഞ്ചിരിക്കുന്നു വീണ്ടും സഖീ ... നീ പോയ്ക്കഴിഞ്ഞുള്ള രാത്രിമുതല്‍ എന്റെ നീറും മനസ്സിന്‍റെയുള്‍ത്തടത്തില്‍ പെയ്ത നോവിന്‍റെ മാരിയിന്നോളവും ഓമലേ തോരാതെയിറ്റുവീഴുന്നുവെന്നും ..
