എല്ലാത്തിനെയും സ്വീകരിക്കാൻ
നീ കൈവിരലുകൾ നീട്ടുമ്പോൾ ,
സാഗരമേ...എന്റെ പാദങ്ങളെ
വലിച്ചടുപ്പിക്കുവാൻ ശ്രമിക്കുന്നതെന്തിന് ?.!
നീ എന്റെ ഏകാന്തതയെയും
നോവുകളെയും സ്വീകരിക്കുമെങ്കിൽ,.....
എന്റെ പാപഭാരങ്ങളെയും, രഹസ്യങ്ങളെയും
ആഴത്തിൽ ഒളിപ്പിക്കുമെങ്കിൽ,.....
അവയെ നിന്റെ അടിത്തട്ടിലെ,
ഇരുട്ടിന്റെയും ആഴത്തിലെ,
ചിപ്പികൾക്കുള്ളിൽ മറച്ചുവെക്കുമെങ്കിൽ,.....
നിന്നിലെ ഒരു തിരയായി,
അലിഞ്ഞു ഞാൻ സ്വതന്ത്രനാവാം....