ഈ രാത്രിയോടുള്ള ചോദ്യങ്ങൾ

നിന്നെ ഞാൻ വെറുക്കുന്നു....
എന്റെ ഓർമ്മകളുടെ ഭിത്തിയിൽ
പറ്റിപ്പടരുന്ന നിന്റെ
ഇരുട്ടിനെ ഞാൻ വലിച്ചെറിയാൻ
ശ്രമിക്കുംതോറും,
എന്തിനാണെന്നെ മുറുക്കിക്കുരുക്കി
ശ്വാസം മുട്ടിക്കുന്നത്. ?

മുന്നിലുണ്ടായിരുന്ന
വഴികൾ എനിക്കുമുന്നിൽ
കൊട്ടിയടച്ച് എന്തിനാണ്
നീ അട്ടഹസിക്കുന്നത് ?

എന്റെ വെളിച്ചത്തിനെ
വിലങ്ങുവെച്ചതെന്തിനാണ് ?
എന്റെ നിദ്രയെ
ചങ്ങലയ്ക്കിട്ടതെന്തിനാണ് ?

എന്റെ ചോദ്യങ്ങൾക്കുത്തരം
നൽകാതെ,
ഇനിയും എന്റെ പുലരിയെ
സ്വതന്ത്രനാക്കാതെ,
എനിക്കുചുറ്റും നീ
പടരുന്നതെന്തിനാണ് ?